Ugrás a tartalomhoz Lépj a menübe
 


 Arkivo de la novaĵservo Ret-Info, 2009.07.

 

- Retpoŝta novaĵservo kun selektitaj E-novaĵoj: RET-INFO -
- Aliĝoj kaj malaliĝoj ĉe: http://www.eventoj.hu -
- Se vi ie citas /represas /plusendas mesaĝon el nia servo,
bonvolu mencii ankaŭ la fonton "Ret-Info" ĉe http://www.eventoj.hu !

 

==========================================================

 

2009.07.31. – Nova tujmesaĝilo de Klivo en E-o

 

Saluton!


Kép Mi kreis tujmesaĝilon. Bonvolu provi. Komentoj estas bonvenaj.

Kaj ne forgesu pri Simredo, ĝava unikoda redaktilo:

Klivo
indriko ĉe yahoo.com

laŭ [programistoj-respondas]

-----
fonto: Ret-Info
http://www.eventoj.hu

 

==========================================================

 

2009.07.30. - Rezultoj de la Belartaj Konkursoj en 2009

 
Poezio
- Unua premio : "de tiu ĉi ĝarden' narnia" de Nicola Ruggiero (Italio);
- Dua premio : "Esja" de Nicola Ruggiero;
- Tria premio: "Tro rapide" de Jean-Marie Ries (Luksemburgio).
Partoprenis 34 verkoj de 17 aŭtoroj el 16 landoj.


Prozo

- Unua premio: ne aljuĝita;
- Dua premio: "Viola" de Julia Sigmond (Rumanio);
- Tria premio: "Ranoj" de Sten Johansson (Svedio).
Partoprenis 24 verkoj de 15 aŭtoroj el 10 landoj.


Eseo

- Premio Luigi Minnaja: "Ni ne entombigu niajn literaturajn trezorojn" de Lena Karpunina (Rusio);
- Dua premio: "Lingvo kaj dialekto" de Geraldo Mattos (Brazilo).
- Tria premio: ne aljuĝita.
Partoprenis 9 verkoj de 5 aŭtoroj el 4 landoj.


Teatro

- Unua premio: ne aljuĝita;
- Dua premio: "La papilio" de Luiza Carol (Israelo);
- Tria premio: "La preludo de la milito" de Lena Karpunina (Rusio).
Partoprenis 8 verkoj de 7 aŭtoroj el 6 landoj.


Infanlibro de la jaro

- "Ĉirkaŭ la mondo dum 80 tagoj", eldonita de Sezonoj (Rusio).
Partoprenis 6 verkoj de 4 eldonejoj el 4 landoj.


Kanto
- Unua premio: ne aljuĝita;
- Dua premio: ne aljuĝita;
- Tria premio: "Minimuma familio" de Geraldo Mattos (Brazilo).
Partoprenis 3 verkoj de 2 aŭtoroj el 2 landoj.


Filmo

- Unua premio: ne aljuĝita;
- Dua premio: ne aljuĝita;
- Tria premio: ne aljuĝita;
Honora mencio: "Stelo de Bona Espero" de Adarci Sousa (Brazilo).
Partoprenis 1 verko de 1 aŭtoro el 1 lando.


Premio "Nova talento"
- Folke Wedlin (Svedio) pro la poemo "hodapro en tarda sorpo"

 

laŭ UEA

 

-----
fonto: Ret-Info
http://www.eventoj.hu


==========================================================

 

2009.07.26. - Festokaze – konkurso pri filmoj ĉe 'filmoj.net'

 

Rusia Esperantista Junulara Movado, REJM tutkore gratulas vin okaze de naskiĝtago de Esperanto, ĉar ĝuste hodiaŭ, antaŭ 122 jaroj aperis "La unua libro".

Jam dum 122 jaroj Esperanto prosperas. Ni deziras al ĝi dekoblan prosperon en la estonto.

Por celebri la tagon, la retejo pri filmoj http://filmoj.net okazigas "La unuan konkurson" pri filmoj.

La premio certe estos DVD kun filmo en Esperanto. Detalojn vi trovos en la retejo.

La Verda filmejo estas la projekto de REJM. Kreante la mondon ĉirkaŭe,

Aleksander Osincev
alex.osintsev@gmail.com
http://filmoj.net - Filmoj en Esperanto

-----
fonto: Ret-Info
http://www.eventoj.hu

 

==========================================================
 

2009.07.23. - Nova komikso eniras Esperantujon: Diabolik!

Kép Diabolik, la reĝo de la malbono, eniris Esperantujon!

Projekto RoMEo, post esperantigo de Rat-Man, denove sukcesis prezenti italan bildstrian famulon pere de la Internacia Lingvo: IEJ, IEF kaj Edistudio kuneldonis 144-paĝan libreton kun la unua rakonto de Diabolik, kreataĵo de fratinoj Giussani. "La Reĝo de la Teroro" estis kaj estas entuziasme subtenita de Astorina, oficiala eldonejo de Diabolik, kaj de la "Diabolik Club", kies prezidanto ankaŭ kunlaboris kun projekto RoMEo.

La komikso jam aĉeteblas ĉe Itala E-Federacio kaj ĉe Edistudio.

Pliaj informoj troveblas ĉe:

http://www.pecorElettriche.it/Esperanto/RoMEo/
http://eo.wikipedia.org/wiki/Diabolik kaj
http://www.liberafolio.org/Members/DanieleBinaghi/diabolik-nova-komikso-esperantigita 

Amike,

Daniele Binaghi
projektestro RoMEo
daniele.binaghi@libero.it

laŭ [esperantisti italiani]

-----
fonto: Ret-Info
http://www.eventoj.hu

==========================================================

 

2009.07.23. - TEJO ricevis novan estraron

Kun partopreno de pli ol 300 kongresanoj disvolviĝas en en la ĉeha urbo Liberec la 65-a Internacia Junulara Kongreso, pri kiu intertempe raportis en sia novaĵelsendo ankaŭ la germana televido ARD.

Kép Dum IJK kunsidas ankaŭ la Komitato de TEJO, kiu jam traktis la plej gravan punkton de sia tagordo, la elekton de nova Estraro por la dujara periodo 2009-2011. Kiel prezidanto estis reelektita Gregor Hinker el Aŭstrio.

Paulína Koľuchová el Slovakio fariĝis ĝenerala sekretario kaj Sergeo Tyrin el Israelo kasisto. Saŝa Kovjazina el Ukrainio respondecos pri informado, Łukaŝ Żebrowski el Pollando pri IJK kaj kongresoj, kaj Irmina Szustak el Pollando pri landa agado.

Kvar el la ses estraranoj estas novaj; nur Hinker kaj Tyrin oficis ankaŭ en la antaŭa periodo. Krome la Komitato elektis Marek Blahuŝ el Ĉehio kiel komisiiton pri reta agado.

laŭ [Libera Folio]

-----
fonto: Ret-Info
http://www.eventoj.hu

==========================================================

 

2009.07.22. IJK en la germana TV - en Eo !!

 

Indas rigardi!

Marde la 22-an de julio 2009 en sia noktomeza programo "Nachtmagazin" ("Nokta magazino"), la unua germana televidkanalo ARD elsendis 3-minutan raporton pri la 65-a Internacia Junulara Kongreso de TEJO, organizata inter la 18-a kaj la 25-a de julio en Liberec' en Ĉehio. Laŭ statistikoj de ARD [1] vidis tiun raporton ĉirkaŭ 560.000 spektantoj.

La raporto elstaras ne nur pro tio, ke preparis ĝin la eksterlanda redakcio de la germana ARD en Ĉehio, sed ankaŭ pro la fakto, ke ĝi estas preskaŭ komplete parolata en Esperanto, kun subtekstoj en la germana lingvo. Per tiu escepta sindediĉo, la redaktoro Danko Handrick, helpita de la kongresanoj Carsten Mischke kaj Gregor Hinker, celis montri al la spektantoj "vivan esperanton" - kio estas ankaŭ la nomo de tiu raporto.


La raporto spekteblas ĉe: http://www.youtube.com/watch?v=rwqJITm5xrM

La nun okazanta 65-a IJK estas la unua sur la teritorio de Ĉeh(oslovak)io. Atenton meritas ankaŭ la trilanda kunlaboro de ĈEJ, GEJ kaj PEJ. Ĝis nun alvenis pli ol 300 partoprenantoj.

mll. laŭ raporto de

Marek Blahuą, ijk@esperanto.cz

[1] Fonto: http://www.daserste.de/programm/quotendetail.asp

laŭ [pri-IJK]

-----
fonto: Ret-Info
http://www.eventoj.hu

==========================================================

 

2009.07.21. Esperanto-Centro inaŭgurita en Białystok!

Hodiaŭ, la 21-an de julio en 2009, la urbestro Tadeusz Truskolaski solene inaŭguris Esperanto-Centron Ludwik Zamenhof, troviĝanta ĉe la strato Warszawska, n-ro 15 en Białystok.

Kép La inaŭguron, krom multaj amikoj de Esperanto, partoprenis i.a.: vicurbestro Aleksander Sosna, prezidanto de la Urba Komitato Włodzimierz L. Kusak kaj kunaŭtoroj de la ekspozicio s-ino Jolanta Rogowska el la Historia Muzeo kaj s-ro Andrzej Lechowski - la direktoro de la Podlahia Muzeo en Białystok.

Samtempe kun la malfermo de la Centro oni inaŭguris la konstantan ekspozicion: "Bjalistoko de juna Zamenhof" kaj la du portempajn ekspoziciojn: "Esperantaj ekslibrisoj kaj puntoj". La Centro troviĝas ĉe la strato Warszawska, n-ro 15. (fakte 19, rim. J.P.) Ĝi estas kreita en la jaro de la 94-a Universala Kongreso de Esperanto, okazonta de la 25-a ĝis la 31-a de julio ĝuste en Bjalistoko - la naskiĝurbo de la kreinto/iniciatinto de la lingvo Esperanto.

La Centro Zamenhof - kiu estas filio de Bjalistoka Kulturcentro - gvidos la agadon, prezentanta la multkulturan karakteron de la urbo kaj la popularigadon de L. Zamenhof. Oni antaŭvidas, ke la Centro prezentados la konstantan ekspozicion, organizos la portempajn ekspoziciojn, gvidos la edukan aktivadon, okazigos seminariojn, prezentaĵojn kaj ekzercadojn.

La teksto, tradukita de Jarosław Parzyszek, venas el la oficiala ttt-ejo de la urbo Bjalistoko: www.bialystok.pl


Fotoserio pri la inaŭguro estas videbla ĉe http://www.bialystok.pl/site.php?s=MDAwMTg3&a=MDU3Nzgz

laŭ [esperanto-rus-informoj]

-----
fonto: Ret-Info
http://www.eventoj.hu

==========================================================

 

2009.07.21.  Cirkla Panoramo en Wrocław - ankaŭ en Eo

 

En urbo Wrocław, la "Cirkla Panoramo" pri la historia batalo ĉe Racławice nun havas sian aŭdan programon ankaŭ en Esperanta versio, tradukita de Russ Williams kaj Anna Skudlarska, provlegita de kelkaj alilandanoj, kaj bonkvalite voĉlegita kaj registrita de Aron Chapman ĉe Radio Verda. Ni vizitis hodiaŭ por konfirmi, ke ĝi estis instalita.

Kép La sistemo estas tia, ke laŭtparoliloj ludas polan priskribon de la granda cirkla pentraĵo, en kiu staras la vizitantoj. Alilingvanoj rajtas peti sonaparaton por aŭskulti tradukon en la angla, germana, ktp, tenante la ilon ĉe la orelo. Estas nun nur 3 tiaj sonaparatoj kun la Esperanto-sondosiero (kiu anstataŭis la ĉinan en tiuj 3 aparatoj...), do maksimume 3 esperantistoj povas aŭskulti samtempe dum normala neantaŭaranĝita vizito.

Sed se granda grupo de esperantistoj vizitos, ili rajtos peti, ke la laŭtparoliloj en la panoramo sonigu la Esperantan version anstataŭ la kutima pola versio. (Tio ja okazos ĉi-semajne ĵaŭde posttagmeze pro vizito de esperantistoj en Wrocław dum esperantista ekumena kongreso.)

Do se vi konas iujn vizitantojn al Pollando - ekzemple pro UK en Białystok - kiuj vizitos Vroclavon (Wrocław), bv mencii la eblon aŭskulti Esperantan programon en la Cirkla Panoramo!

- http://www.panoramaraclawicka.pl/
- http://www.wroclaw.pl/m6864/

Amike,

Russ Williams,
ĉiomortas@gmail.com

 

el [polaj-esperantistoj]

 

-----
fonto: Ret-Info
http://www.eventoj.hu

==========================================================

 

2009.07.20. Esperanta kulturo sen libroj

- seminario, gvidos: Ĵak Le Puil !

Ĉu entute eblas paroli pri kulturo, forigante librojn? Jes kaj ne fakte.

Jes, aŭ preskaŭ, se oni traktas kantojn/kanzonojn kaj kantistojn/kanzonistojn. Kaj jen tre riĉa flanko de la Esperanta kulturo. De la komenco de la 20-a jarcento eblis aŭskulti Esperantajn kantojn. Sed en la sepdekaj jaroj, la alveno de kasedoj donis impulson al tute nova generacio de kanzonistoj. La pioniro estis la itala Ĝanfranko Molle sekvata de Ĝuljo Cappa, Ĵak Le Puil, Marĉela, Suzana (kvar italoj el kvin!), Olivier Tzaut, Nikolin, Roman Bura, ktp., ĝis la nova generacio kaj danke al (sed ne nur) la mirinda firmao Vinilkosmo, kun Kajto, Jacques Yvart, Persone, Ĵomart kaj Nataŝa, Georgo Handzlik, Mikael Bronŝtejn, Jomo, Kaj Tiel Plu, Martin, Solo, ktp, ĝis la hiphopa grupo La Pafklik' . - Hodiaŭ dekoj da kanzonistoj riĉigas la Esperantajn festivalojn kaj kongresojn.

Ne (aŭ preskaŭ), se oni traktas nian gazetaron. Fakte ĉiuj niaj plej bonaj (aŭ malpli!) verkistoj komencis, kaj daŭrigas, aperigi novelojn, poemojn unue en diversaj gazetoj. Eĉ en la asociaj gazetoj, de Esperanto-USA al Sennaciulo, de La lampiro de Sao Paulo al La Sago de SAT-Amikaro, oni fojfoje trovas valorajn poemojn aŭ novelojn. Kompreneble en la kulturaj revuoj abundas niaj verkistoj. Kelkaj famaj revuoj malaperis, kiel Nica Literatura Revuo, Norda Prismo kaj Fonto, aliaj naskiĝis de pli-malpli 30 jaroj: La Gazeto, La KancerKliniko, Literatura Foiro... aŭ de nur unu jaro, kiel Beletra Almanako kaj Spegulo. Ankaŭ en nia prestiĝa magazino Monato aperas noveloj.

Post kanzonoj kaj gazetoj, jen teatraĵoj kaj kabaredaĵoj. La plej famaj teatraj trupoj venis de Zagrebo kaj Parizo, sen forgesi pri Jerzy Fornal el Pollando. Regulaj kabaredoj funkciis nur en Parizo, en la tempo de Rajmondo Ŝvarco (La tri Koboldoj...) kaj poste fine de la sepdekaj jaroj (La Ruza Kruĉo). En tiŭ lasta prezentiĝis ne nur kanzonistoj (Le Puil, Cavelan, Ĝanfranko, Marilu...), aktoroj (Lagrange G kaj A, Solen', Audibert...), komikistoj (i.a. Stefan MacGill), prestidigitisto (Triksini) eĉ gedancistoj.

Pri filmoj, malmulte por diri. Kompreneble iuj konas la unuan filmon Angoroj de Jacques-Louis Mahé kaj eble Incubus. Nun danke al vidbendoj eblas spekti dekojn da filmoj, sed plejparte dokumentajn.

Do ja eĉ sen libroj eblas paroli pri la Esperanta kulturo dum pluraj horoj!

 

* * * * *


Ĉu estas ebla Esperanta televido?

- seminario. Gvidos: Roman Dobrzynski

Radio-dissendoj per Esperanto estis unu el la plaj gravaj ligiloj inter esperantistoj dum la pasinta jarcento. Nun tiu amaskomunikilo estas iam malpli uzata. Ĉu ni povas lerni de nia historio, kiel ni apliku nian plurjaran sperton al la novaj iloj?

Aŭdvida materialo ja ekzistas: por kursoj, por informado pri Esperanto al ekstera publiko, por informado interne de nia movado mem. La retejo YouTube ebligas ricevadon de UEA-viva ekde majo, kaj la unuaj du numeroj estis rigarditaj pli ol milfoje (ĝis la 15-a de junio); tia sistemo povas facile kontentigi niajn internajn bezonojn. Same per YouTube oni povas ricevi la serion "Esperanto estas..." en pluraj lingvoj.

Aliflanke regula dissendado tra stacio facile kaptebla por la ekstera publiko bezonas grandan fortostreĉon, kaj ankaŭ konvenajn financajn rimedojn. Dum la pasintjara kongreso de Itala E-Federacio la problemo estis levita de stacio TeleTirreno, kaj la grupo de Grosseto estas strebanta por okazigi almenaŭ unu dissendon videblan en la ordinaraj programo de tiu stacio.

Celo de ĉi tiu seminario estas informo al la esperantistaro pri tio, kio jam ekzistas, kaj komparo de la diversaj spertoj kaj proponoj, por pli vasta utiligo de la ebloj jam starantaj je nia dispono.

-----------------------

Seminaro pri la supra temo okazos en kadro de la 76-a Itala Kongreso de Esperanto - en urbo Montecassino, dato: 2009.08.28-2009.09.03

http:/italakongreso.esperantoitalia.it
esperanto@edistudio.it
Brunetto Casini - tel. +39- 050 982955, -329 7463600

el [NSIR-644]

-----
fonto: Ret-Info
http://www.eventoj.hu

========================================================== 

 

2009.07.15 - Ŝton-pecoj el via urbo - en internacia monumento!

 

Ŝton-pecoj el via urbo - en internacia monumento!

La konata franca esperantisto kaj entreprenisto Michel Basso konstruos en aŭtuno 2009 du belajn, grandajn monumentojn: 'Espero' kaj 'Esperanto' en Herzberg am Harz (Esperanto-urbo, Germanio).

Por esprimi la mondan solidarecon al la oficiala Esperanto-urbo Herzberg am Harz, por la betonkrustoj de la monumentoj estas akceptataj ŝtonetoj el la tuta mondo ankaŭ de individuj, kaj ankaŭ de formalaj Esperanto-organizaĵoj (kluboj, asocioj, instancoj).

Multaj ŝtonetoj jam eniris el diversaj landoj kaj famaj lokoj, ekz. vitra fragmento kaj ŝtonetoj de la fama Esperanto-platsen en Gotenburgo en Svedio, el Jerusalemo, Hiroshima, ktp.

Se vi volas kapti la okazon kaj kontribu per simbola konstru-ero al la monumentoj, sendu ŝtoneton aŭ eble vitraĵeton aŭ iun tiaaĵon el via urbo/loko/regiono. Kun la ŝtoneto bonvolu mencii vian nomon kun loĝloko kaj lando, la trovlokon, specion de la ŝtono kaj similajn sciindaĵojn. Estas bonvenaj eĉ eventualaj interesaj rakontetoj, ligitaj al la sendata ŝtoneto, oni zorgos pri preciza dokumentado de ĉio...

Viajn ŝtonetojn vi povas eventuale persone transdoni eĉ dum la UK al Peter Zilvar, Zsófia Kóródy kaj Harald Schicke - aŭ prefere sendi ilin perpoŝte al:

Germana Esperanto-Centro/Interkultura Centro Herzberg
Grubenhagenstr. 6, D-37412 Herzberg/Harz, Germanio.
Tel: +49/(0)5521-5983
- http://esperanto-urbo.de

-----
fonto: Ret-Info
http://www.eventoj.hu

==========================================================

2009.07.12. Turismaj salut-tabuloj en Esperanto

Bonvenon al esperantistoj!

Antaŭ kelkaj semajnoj estis inaŭguritaj tri grandaj salut-tabuloj en najbaraj vilaĝoj de Herzberg.

A) Okaze de la aranĝo PSI (Printempa Semajno Interncia) en pasko 2009 kun partpreno de la gartoj de PSI estis inaŭguritaj du grandaj bonvenigtabuloj en Herzberg-Scharzfeld, Kép Germanio (vilaĝo kun la Unukornula Groto). La vilaĝestro Hubertus Kauczor tre ĝojis, ke post Herzberg, Sieber kaj Pöhlde nun ankaŭ Scharzfeld bonvenigas la
gastojn en la internacia lingvo Esperanto.

B) La 26-an de majo en 2009 okazis inaŭguro de la granda ligna bonvenigtabulo de la naciparka vilaĝo Lonau. Du reprezentantoj de la vilaĝa konsilantaro kaj amikoj de Interkultura E-Centro Herzberg same partoprenis.
Nun du belaj turismaj vilaĝoj de Herzberg tutjare varbas per Esperanto.

 

Kelkaj novaj fotoj estas troveblaj en la fotoalbumo ĉe http://esperanto-urbo.de/gallery.php?edit_gallery&edit_gallery_id=96231342

Amike kaj samideane salutas

Germana Esperanto-Centro,
De-37412 Herzberg am Harz - la Esperanto-urbo
http://esperanto-urbo.de

-----
fonto: Ret-Info
http://www.eventoj.hu

==========================================================

 

 

 

 

.